କଳିଙ୍ଗ ସାହିତ୍ୟ ମହୋତ୍ସବ ଦ୍ୱାରା ଅଶୋକ କୁମାର ବଳଙ୍କ “ଏ ଭାରିଅସ୍ ୱାର୍ଲଡ୍’ର ଭବ୍ୟ ଉନ୍ମୋଚନ
bhavtarini.com@gmail.com 
ଭୁବନେଶ୍ୱର, ଅଶୋକ କୁମାର ବଳଙ୍କ ବହୁ ପ୍ରତୀକ୍ଷିତ ପୁସ୍ତକ “ଏ ଭାରିଅସ୍ ୱାର୍ଲଡ୍: ପିପୁଲ୍, ପ୍ଲେସେସ୍, ପରସ୍ପେକିଭ୍ସ ଆଜି ପେଙ୍ଗୁଇନ୍ ରାଣ୍ଡମ୍ ହାଉସ୍ ଇଣ୍ଡିଆ ସହଯୋଗରେ ସମ୍ମାନଜନକ କଳିଙ୍ଗ ସାହିତ୍ୟ ମହୋତ୍ସବ(କେଏଲ୍ଏଫ୍) ର ଏକ ସ୍ୱତନ୍ତ୍ର କାର୍ଯ୍ୟକ୍ରମ ରେ ଆନୁଷ୍ଠାନିକ ଭାବେ ଉନ୍ମୋଚିତ ହୋଇଛି । ଭୁବନେଶ୍ୱର ମେଫେୟାର ଲାଗୁନ୍ ସ୍ଥିତ ଅର୍କିଡ୍ଠାରେ ଆୟୋଜିତ ଏହି କାର୍ଯ୍ୟକ୍ରମରେ ସାହିତ୍ୟିକ, ବିଶିଷ୍ଟ ବ୍ୟକ୍ତି ଓ ଉତ୍ସାହୀ ପାଠକପାଠିକାମାନେ ଏକାଠି ହୋଇ ଏହି ଉଲ୍ଲେଖନୀୟ କାର୍ଯ୍ୟକ୍ରମକୁ ଉପଭୋଗ କରିଥିଲେ ।
ଓଡ଼ିଶାର ଉପମୁଖ୍ୟମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ ଏହି ପୁସ୍ତକକୁ ଆନୁଷ୍ଠାନିକ ଭାବେ ଉନ୍ମୋଚନ କରିଥିବା ବେଳେ ପ୍ରକାଶ ମିଶ୍ର, ଉପଦେଷ୍ଟା, ମୁଖ୍ୟମନ୍ତ୍ରୀ, ଓଡିଶା ଓ ପଦ୍ମ ବିଭୂଷଣ ଶ୍ରୀ ସୁଦର୍ଶନ ସାହୁ ପ୍ରମୁଖ ଉପସ୍ଥିତ ଥିଲେ । ଅନ୍ୟ ଅତିଥି ଙ୍କ ମଧ୍ୟରେ କାର୍ଯ୍ୟକ୍ରମରେ କେଏଲ୍ଏଫ୍ର ପ୍ରତିଷ୍ଠାତା ରଶ୍ମି ରଞ୍ଜନ ପରିଡ଼ା, ବିଶିଷ୍ଟ ସାହିତ୍ୟିକ ଏସ୍ ଏନ୍ ମିଶ୍ର ଓ ଶିବ ସ୍ୱାଇଁଙ୍କ ସମେତ ବହୁ ବିଶିଷ୍ଟ ଅତିଥି ଯୋଗ ଦେଇଥିଲେ ।
ସନ୍ଧ୍ୟାରେ କାର୍ଯ୍ୟକ୍ରମ ପ୍ରାରମ୍ଭରେ ଆନୁଷ୍ଠାନିକ ପ୍ରଦୀପ ପ୍ରଜ୍ୱଳନ କରାଯାଇ ଜ୍ଞାନର ଆଲୋକୀକରଣ କରାଯିବା ପରେ ସମ୍ମାନିତ ଅତିଥିମାନଙ୍କୁ ପୁଷ୍ପଗୁଚ୍ଛ ଓ ଉତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା । ପୁସ୍ତକଟି ଆନୁଷ୍ଠାନିକ ଭାବେ ଉନ୍ମୋଚିତ ହେବା ପରେ ଏହି ଭବ୍ୟ ମୁହୁର୍ତର୍ ଆସିଥିଲା ଯାହା ସମକାଳୀନ ଭାରତୀୟ ସାହିତ୍ୟରେ ଏକ ନୂତନ ମାଇଲଖୁଂଟ ସୃଷ୍ଟି କରିଛି ।
ଏକ ପୁସ୍ତକ ଯାହା ଜୀବନ୍ତ ଅନୁଭୂତିର ସାରକୁ ତୋଳି ଧରିଛି
ଏକ ବିବିଧ ଦୁନିଆ ଯାହା ପାଠକମାନଙ୍କୁ ବିବିଧ ମାନବିକ ଅନୁଭୂତି ମାଧ୍ୟମରେ ଏକ ଗଭୀର ଯାତ୍ରାରେ ନେଇ ଲୋକ, ସ୍ଥାନ ଏବଂ ଦୃଷ୍ଟିକୋଣର ଆକର୍ଷଣୀୟ ବର୍ଣ୍ଣନା ପ୍ରଦାନ କରିବ । ୪୦୦ ଟଙ୍କା ମୂଲ୍ୟର ଏହି ପୁସ୍ତକଟି କାର୍ଯ୍ୟକ୍ରମ ସ୍ଥଳରେ କିଣିବା ପାଇଁ ଉପଲବ୍ଧ ହୋଇଥିବାରୁ ଉପସ୍ଥିତ ଲୋକଙ୍କ ମଧ୍ୟରେ ଉତ୍ସାହ ପ୍ରକାଶ ପାଇଥିଲା ।
ଲେଖକ ଏବଂ ବିଶିଷ୍ଟ ଅତିଥିଙ୍କ ପ୍ରତିଫଳନ
ଲେଖକ ଅଶୋକ କୁମାର ବଳ ତାଙ୍କ ଅଭିଭାଷଣରେ ତାଙ୍କ ସୃଜନଶୀଳ ପ୍ରକ୍ରିୟା ଓ ପୁସ୍ତକ ପଛର ପ୍ରେରଣା ସମ୍ପର୍କରେ ଆଲୋକପାତ କରି କହିଛନ୍ତି ଯେ, “ଏହି ପୁସ୍ତକ ଆମ ଦୁନିଆକୁ ଆକାର ଦେଉଥିବା ଅନେକ ଦୃଷ୍ଟିକୋଣ ପ୍ରତି ଶ୍ରଦ୍ଧାଞ୍ଜଳି ଅଟେ । ଏହା କାହାଣୀ, ସଂସ୍କୃତି ଏବଂ ଭାବନାକୁ ଯୋଡ଼ିବା ପାଇଁ ଏକ ପ୍ରୟାସ ଯାହା ମଣିଷର ଅସ୍ତିତ୍ୱକୁ ନିର୍ଦ୍ଧାରଣ କରିଥାଏ ।’’
ବିଶିଷ୍ଟ ବକ୍ତା ଏସ୍ ଏନ୍ ମିଶ୍ର ଓ ଶିବ ସ୍ୱାଇଁ ସମସାମୟିକ ସାହିତ୍ୟରେ ପୁସ୍ତକର ପ୍ରାସଙ୍ଗିକତା ଉପରେ ଭାବପ୍ରବଣ ମନ୍ତବ୍ୟ ପ୍ରଦାନ କରିଥିଲେ । ପୁସ୍ତକର କାହାଣୀରେ ପ୍ରମୁଖ ଭୂମିକା ଗ୍ରହଣ କରିଥିବା ଶ୍ରୀ ସାମଲ, ଡ. ଦାଶ, ଶ୍ରୀମତୀ ମମତା ମିଶ୍ର, ମହିମୋହନ ତ୍ରିପାଠୀ, ପ୍ରବୀର ପଟ୍ଟନାୟକ ଓ ଗୋକୁଳିଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯିବା ସହ ସେମାନଙ୍କ ଦୃଷ୍ଟିକୋଣ ବାଂଟିିଥିଲେ ।
ମୁଖ୍ୟ ଅତିଥି ଶ୍ରୀ କନକ ବର୍ଦ୍ଧନ ସିଂହଦେଓ ସାଂସ୍କୃତିକ ବର୍ଣ୍ଣନା ରଚନାରେ କାହାଣୀର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ । ସେ କହିଛନ୍ତି ଯେ, “ ଅଶୋକ ବଳ ତାଙ୍କ ପ୍ରଶଂସିତ ପୁସ୍ତକ 'ଗଜପତି: ଏ କିଂଗ ୱିଦାଉଟ ଏ କିଂଗଡମ’ର ଐତିହାସିକ ପରିବର୍ତନର ଆକର୍ଷଣୀୟ ପ୍ରକ୍ରିୟାକୁ ଅନୁସନ୍ଧାନ କରିବା ପରେ ଏ ଭାରିଅସ ୱାର୍ଲଡରେ ଜୀବଙ୍କ ଅନ୍ତରଙ୍ଗ ଦୁନିଆ ପ୍ରତି ଧ୍ୟାନ ଆକର୍ଷଣ କରିଛନ୍ତି। ଏଠାରେ ବିସ୍ତୃତ ବିବରଣୀ ମାଧ୍ୟମରେ ଲୋକ ଓ ସ୍ଥାନ ଗୁଡ଼ିକୁ ଜୀବନ୍ତ କରାଯାଇଛି। ଚମତ୍କାର ଭାବରେ ଚିତ୍ରଣ କରାଯାଇଥିବା ଚରିତ୍ର ଏବଂ ଘଟଣାଗୁଡ଼ିକ ସାଧାରଣଭାବ ନିରନ୍ତର ଭାବକୁ ପ୍ରକାଶ କରୁଛି। ମୁଁ ଏହି ପୁସ୍ତକଟିକୁ ଆକର୍ଷଣୀୟ ଭାବେ ପଠନଯୋଗ୍ୟ ମନେ କରିଛି ଏବଂ ମୁଁ ନିଶ୍ଚିତ ଯେ ପାଠକମାନେ ଏହାକୁ ସମାନ ଭାବରେ ଅବିସ୍ମରଣୀୟ ମନେ କରିବେ।’’"
ଏହି ଗୁରୁତ୍ୱପୂର୍ଣ୍ଣ କାର୍ଯ୍ୟକୁ ଜୀବନ୍ତ କରିଥିବା ସାମୂହିକ ପ୍ରୟାସକୁ ସ୍ୱୀକାର କରି କଳିଙ୍ଗ ସାହିତ୍ୟ ମହୋତ୍ସବର ପ୍ରତିଷ୍ଠାତା ରଶ୍ମି ରଞ୍ଜନ ପରିଡ଼ା ଧନ୍ୟବାଦ ଅର୍ପଣ କରିବା ସହ କାର୍ଯ୍ୟକ୍ରମ ଶେଷ କରିଥିଲେ ।
ଏକ ନୂତନ ସାହିତ୍ୟିକ ମାଇଲଖୁଂଟ
ଏ ଭାରିଅସ୍ ୱାର୍ଲଡ୍ର ଶୁଭାରମ୍ଭ ମାନବିକ ଅନୁଭୂତିକୁ ତୋଳି ଧରିବାରେ ସାହିତ୍ୟ ଶକ୍ତିର ପ୍ରମାଣ ରୂପେ ତାହା ଉଭା ହୋଇଛି । ଏହାର ଆକର୍ଷଣୀୟ ବର୍ଣ୍ଣନା ଏବଂ ସମୃଦ୍ଧ କାହାଣୀ ସହିତ ଏହି ପୁସ୍ତକ ପିଢ଼ି ପିଢ଼ି ଧରି ପାଠକଙ୍କ ଉପରେ ସ୍ଥାୟୀ ପ୍ରଭାବ ପକାଇବାକୁ ଯାଉଛି
